ஆஸ்திரேலியாவில் சமீபத்தில் நடந்த பாராளுமன்றத்தில் எந்த கட்சிக்கும் இறுதி பெரும்பான்மை கிடைக்காமல் போய்விட்டது. ஆஸ்திரேலிய பாராளுமன்றத்தின் மொத்த இடங்களின் எண்ணிக்கை 150 ஆகும். இதில் எந்த கட்சி பாதிக்கு மேல் ஒரு இடம் அதிகமாக அதாவது 76 இடங்களை பெறுகிறதோ அதுதான் ஆட்சி அமைக்க முடியும்.

நேற்று முன்தினம் நள்ளிரவு வரை 78 சதவீத ஓட்டுகள் எண்ணப்பட்டன. இதில், ஆளும் கட்சியான தொழிலாளர் கட்சியும், எதிர்க்கட்சியும் தலா 71 இடங்களை மட்டுமே பிடிக்க முடிந்தது. சுயேச்சைகள் 3 இடங்களிலும், கிரீன் கட்சி ஒரு இடத்திலும் வெற்றி பெற்றன. ஓட்டு எண்ணிக்கை தொடர்ந்து எண்ணப்பட்டு வருகிறது.

இன்னும் 4 இடங்களுக்கு மட்டுமே முடிவு தெரியவேண்டிய நிலையில் எந்த கட்சிக்கும் 76 இடங்கள் கிடைக்காது என்பதால் பிரதமர் ஜுலியா கில்லார்டு சுயேச்சை எம்.பி.க்களுடன் பேச்சுவார்த்தை நடத்த தொடங்கி இருக்கிறார். சுயேச்சைகளின் உதவியுடன் அவர் ஆட்சி அமைப்பேன். இது உறுதி என்று அவர் அறிவித்து இருக்கிறார்.

---

பிலிப்பைன்ஸ் தலைநகர் மணிலாவில் பஸ் ஒன்றை முன்னாள் போலீஸ் அதிகாரி சிறைபிடித்துச் சென்ற சம்பவம் பரபரப்பை ஏற்படுத்தியுள்ளது. பணி நீக்கம் செய்யப்பட்டதால் மனமுடைந்த அந்த போலீஸ்காரர் பஸ் ஒன்றை சிறைபிடித்தார். அவர் பயங்கர ஆயுதங்களை வைத்திருப்பதால் அங்கு பதட்டமான சூழல் நிலவுகிறது. இதுவரை 6 பயணிகள் விடுவிக்கப்பட்டுள்ளனர். மற்ற வெளிநாட்டுப் பயணிகளையும் பத்திரமாக மீட்க போலீசார் கடத்தலில் ஈடுபட்ட முன்னாள் போலீஸ் காரருடன் சமரசம் பேசி வருகின்றனர்.

முந்தைய உலகச்செய்திகள்